Rusiya xarici işlər naziri Sergey Lavrov Polşa xarici işlər naziri Radoslav Sikorskini Rusiya prezidenti Vladimir Putinin təyyarəsini hədələməklə “terror aktlarına hazır olmaqda” ittiham edib.
Gündəm24.az xəbər verir ki , Lavrovun sözlərinə görə, Moskvanın mövqeyi dəyişməz olaraq qalır və Rusiya, Putin ilə Trampın Alyaska sammitində əldə etdikləri razılaşmalara sadiqdir. O, Qərb mediasının, xüsusilə CNN-in sammitin təxirə salınması barədə iddialarını “dezinformasiya” adlandırıb.
Rusiyalı diplomat əlavə edib ki, əsas məsələ görüşün yeri deyil, Ankoricdə əldə olunan razılaşmaların icrasıdır. Lavrov həmçinin Qərbin və Kiyevin atəşkəs təkliflərini “nasist rejiminin möhkəmlənməsi cəhdi” kimi qiymətləndirib və xüsusi əməliyyatın “uğurla davam etdiyini” vurğulayıb.
Elay RZAZADƏ,
Gündəm24.az
