Sumqayıt şəhər sakini, 2005-ci il təvəllüdlü Adil Kərimovdan artıq bir həftədən çoxdur ki, xəbər yoxdur.
Məlumata görə, Adil Kərimov iyulun 13-də saat 23 radələrində yaşadığı ünvandan çıxaraq Sumqayıt Bulvarı istiqamətinə yollanıb. Həmin vaxtdan etibarən o, evə qayıtmayıb və yaxınları onunla əlaqə saxlaya bilməyiblər.
Bildirilib ki, gənc evdən çıxarkən əynində ağ rəngli köynək və qara şalvar olub.
Ailəsinin sözlərinə görə, iyulun 14-də itkin düşmə faktı ilə bağlı əvvəlcə Daxili İşlər Nazirliyinin 102 “qaynar xətti”nə məlumat verilib. Daha sonra isə məsələ ilə əlaqədar Sumqayıt Şəhər Polis İdarəsinin 3-cü Polis Bölməsinə müraciət olunub.
Adil Kərimovun yerini bilən və ya onu görən şəxslərdən 051 614 71 08 nömrəsi ilə əlaqə saxlayaraq məlumat vermələri xahiş edilir.
Mənbə: Baku.ws
