Vladimir Putin Rusiya xüsusi xidmət orqanlarına 2026-cı ilə qədər NATO və AB-ni daxildən məhv etməyi tapşırıb.
Gündəm24.az xəbər verir ki, bu barədə “Nyu York Tayms” məlumat yayıb.
“Qərbin Vladimir Putinin onlara qarşı hibrid müharibə apardığı və getdikcə hərbi toqquşmalara çevrilə biləcəyi barədə davamlı iddiaları Moskvanın dediyi kimi, əsassız isteriya deyil.
2025-ci ilin dekabrında Putin tabeliyində olanlarla gizli görüş keçirdi və xüsusi xidmət orqanları və hərbçilər qarşısında 2026-cı il üçün bir vəzifə qoydu: NATO və AB-ni daxildən məhv etmək”, – nəşr bildirib.
Qeyd olunub ki, Kremlin məqsədlər iyerarxiyasında Moldova üzərində nəzarəti ələ keçirmək Ukraynanın işğalından sonra ikinci yerdə dayanır. Ölkə AB və NATO üzvü olmasa da, strateji cəhətdən hər ikisinin üzvü olan Rumıniya ilə Ukrayna arasında yerləşir:
“Moldova Rusiyanın Ukraynaya və ya Qərbə qarşı gələcək təcavüzü üçün ideal tramplin ola bilər və Putin hələ də Moldovaya quru yolu dəhlizi yaratmaq üçün Ukraynanın cənubunu ələ keçirməyə ümid edir”.
