Ermənistan Silahlı Qüvvələrinin Baş Qərargah rəisinin keçmiş müavini Arşak Karapetyan barəsində cinayət işi açılıb.
Globalinfo.az xəbər verir ki, məhkəmə onun barəsində həbs qətimkan tədbiri seçib.
Ermənistan İstintaq Komitəsi bildirir ki, Arşak Karapetyan 2021-ci ilin mayında Qaragöl istiqamətində Azərbaycan Ordusunun irəliləməsi zamanı səlahiyyətlərini aşaraq əsgərlərə döyüş mövqelərini tərk etmələri barədə şifahi əmr verib.
Onun barəsində hakimiyyətdən sui-istifadə maddəsi ilə ictimai cinayət işi başlanıb.
Qeyd edək ki, 2021-ci ilin mayında Azərbaycan və Ermənistan sərhədindəki Qaragöl ətrafında hərbi toqquşma baş verib. Nəticə beynəlxalq hüquqa görə Azərbaycana aid olan bu ərazi işğaldan azad edilib.
