Gəncədə sakini silahdan açılan atəş nəticəsində xəsarət alıb.
Gündəm24.az xəbər verir ki, hadisə şəhər ərazisində qeydə alınıb.
Belə ki, şəhər sakini Z.Əsgərov ürək nahiyəsindən silahdan açılan atəş nəticəsində xəstəxanaya yerləşdirilib.
O, dərhal əməliyyat edilib. Hazırda vəziyyətinin orta-ağır olduğu bildirilir.
Hadisənin hansı şəraitdə baş verməsi məlum deyil.
Əraziyə polis əməkdaşları cəlb edilib. Faktla bağlı araşdırma aparılır.
