İran 5 gün əvvəl İran İnqilab Keşikçiləri Korpusunun (KSIK) ələ keçirdiyi “Talara” neft tankerini azad edib. Columbia Shipmanagement şirkətinin rəhbəri bildirib ki, bütün 21 ekipaj üzvü təhlükəsizdir.
Gündəm24.az xəbər verir ki, Tanker Birləşmiş Ərəb Əmirliklərindən Sinqapura yüksək kükürd tərkibli qazoyl daşıyırdı və Marşall adaları bayrağı altında fəaliyyət göstərirdi. O, 14 noyabr tarixində Horfakkan şəhərindən təxminən 20 mil məsafədə ələ keçirilib. Tehran əvvəlcə “yük ilə bağlı pozuntular” olduğunu iddia etsə də, aparılan araşdırmadan sonra ekipaja və sahibkarlara heç bir ittiham irəli sürmədən gəmini sərbəst buraxıb.
Rəsmi Tehran qərarla bağlı açıqlama verməsə də, izləmə məlumatları tankerinin İran sularını tərk etdiyini və marşrutuna davam etdiyini göstərir.
Əli Səfərli,
Gündəm24.az
