Ankaranın Yenimahalle rayonunda baş verən atışmada bir nəfər ağır yaralanıb. Axşam saatlarında baş verən hadisədə taksi sürücüsü sərnişinini güllələyib.
Gündəm24.az DHA-ya istinadən xəbər verir ki, Türkiyənin paytaxtı Ankaranın Yenimahalle rayonunda taksi sürücüsünün silahlı hücumu nəticəsində bir nəfər ağır yaralanıb.
Hadisə axşam saatlarında rayonun Demetevler məhəlləsində baş verib. Məlumata görə, alış-verişdən sonra taksi ilə evinə gələn S.G. avtomobildən düşərək əşyalarını götürüb binaya doğru hərəkət edərkən sürücünün silahlı hücumuna məruz qalıb.
Ətrafdakıların məlumatı əsasında hadisə yerinə təcili tibbi yardım və polis əməkdaşları cəlb olunub. Ağır yaralanan S.G. xəstəxanaya çatdırılıb. Onun həyatının təhlükədə olduğu bildirilir.
Silahlı hücum anı yaxınlıqdakı binanın təhlükəsizlik kameraları tərəfindən qeydə alınıb.
Hadisədən sonra ərazidən qaçan taksi sürücüsünün kimliyinin müəyyənləşdirilməsi və saxlanılması istiqamətində polis tərəfindən araşdırma aparılır.
Sədaqət Həsənova
Gündəm24.az
