Türkiyəli müğənni Güllünün ölümü ilə bağlı işdə yeni gəlişmə baş verib. Hadisə gecəsi evdə olan Sultan Nur Ulu bu dəfə yalan ifadə vermək ittihamı ilə üzləşib.
“Sabah” qəzetinin məlumatına görə, Ulu əvvəlcə Güllünün yıxılma anını görmədiyini bildirib, təxminən iki ay sonra isə ifadəsini dəyişərək Tuğyan Ülkem Gülteri günahlandırıb. İfadələr arasındakı ziddiyyətlər onun barəsində cinayət işi başlanmasına səbəb olub.
Bundan başqa, Tuğyan və vəkili Sultan Nur Ulunu telefon danışıqlarını və görüşləri icazəsiz qeydə almaqda ittiham edərək şikayət ediblər. Güllünün bacısı və vəkili Şermin Tankut da Ulu barəsində şikayət ərizəsi təqdim edib.
Qeyd edək ki, Güllü kimi tanınan müğənni Gül Tut 26 sentyabr 2025-ci ildə Yalovanın Çınarcık rayonunda binanın pəncərəsindən yıxılaraq həyatını itirib. Onun qızı Tuğyan Ülkem Gülter hadisə ilə bağlı məhkəmə prosesində ağırlaşdırılmış ömürlük həbs cəzasına məhkum edilib.
Sədaqət Həsənova
Gündəm24.az













