Gündəm24.az Globalinfo.az-a istinadən xəbər verir ki, bu barədə Rusiya Prezidenti Vladimir Putin MDB liderlərinin Sankt-Peterburqda keçirilən qeyri-rəsmi sammiti çərçivəsində Ermənistanın baş naziri Nikol Paşinyanla görüşündə deyib.
“Biz artıq dünənki və bugünkü işimizin nəticələrinə dair fikir mübadiləsi apardıq. Ümumilikdə, hər şey yüksək səviyyədə keçdi. Ümid edirəm ki, əhval-ruhiyyə da yaxşı idi”, – Putin bildirib.
Onun sözlərinə görə, hər iki ölkənin komandaları hərtərəfli işləyiblər və yaxşı sənədlər hazırlanaraq imzalanıb. Beləcə proses irəliləyir.
“İkitərəfli münasibətlərə gəldikdə, onlar inkişaf edir. Ticarət dövriyyəmiz bir qədər azalıb. 2024-cü ildə bu göstərici 11 milyard dollardan çox idi, hazırkı ilin ilk 9 ayında isə 4,5 milyard dollar təşkil edib. Bu da pis deyil və bizə əsas verir ki, yaxın gələcəkdə bu rəqəmi artıracağımıza inanaq”, – deyə Putin vurğulayıb.
