Sumqayıtlı jurnalist, KONKRET.az informasiya portalının məsul redaktoru Müşviq Tofiqoğlu (Əhmədov) Azərbaycan Respublikasının Prezidenti cənab İlham Əliyevin Fərmanı ilə təsis edilən “Azərbaycan milli mətbuatının 150 illiyi (1875–2025)” yubiley medalı ilə təltif olunub.
Gündəm24.az xəbər verir ki, bu barədə Müşviq Əhmədov öz sosial şəbəkə hesabında məlumat paylaşıb.
Qeyd edək ki, Müşviq Tofiqoğlu imzası ilə tanınan jurnalist təxminən 20 ilə yaxındır (2007) ki, müxtəlif media qurumları ilə əməkdaşlıq edir.
O, müxtəlif dövrlərdə “Bütöv Azərbaycan” qəzetində, Mediapost.az, Globalinfo.az, KONKRET.az informasiya portallarında, “Dünya TV”,”Baku TV”, Xəzər TV”, “MTV Azərbaycan” telekanallarında və digər media resurslarında müxtəlif vəzifələrdə çalışıb.
Gündəm24.az saytının kollektivi adından yüksək təltif münasibətilə jurnalist həmkarımızı təbrik edir, ona gələcək fəaliyyətində uğurlar və yeni nailiyyətlər arzulayırıq.
Gündəm24.az
