01:35
2026-cı ildə Azərbaycanda ilk uşaq Naxçıvanda dünyaya gəlib.
Gündəm24.az bildirir ki, Naxçıvan Perinatal Mərkəzindən APA-nın yerli bürosuna verilən məlumata görə, dekabrın 31-dən yanvar ayının 1-nə keçən gecə saat 00:01-də Naxçıvan şəhər sakini Gülməmmədovlar ailəsində oğlan uşağı dünyaya gəlib.
2,6 kq çəkidə doğulan uşaq tam sağlamdır.
Uşaq keysəriyyə yolu ilə dünyaya gəlib.
Yeni ilin ilk dəqiqələrində dünyaya göz açan uşağın ailəsini təbrik edir, körpəmizə qədəmlərin uğurlu olsun deyirik.
Ailədən bildirilib ki, uşağın adı Rəsul olacaq.
TƏBİB-in nəzdindəki tibb müəssisəsində 2026-cı ilin ilk körpəsi dünyaya gəlib.
TƏBİB-dən Gündəm24.az-a verilən məlumata görə, yanvarın 1-i saat 00:40 radələrində Şamaxı Rayon Mərkəzi Xəstəxanasında doğulan körpənin cinsi qız, çəkisi 3 kiloqram 200 qramdır.
Doğuş təbii yolla baş tutub. Hazırda ananın və yenidoğulmuşun vəziyyəti stabildir.
Körpə 2001-ci il təvəllüdlü ananın üçüncü övladıdır.
