“Səhər saatlarında Novxanı sahillərində üzən qayıqdan suya sintetik tor atılır”.
Bu barədə vətəndaşlardan biri məlumat verib. Vətəndaş iddia edir ki, artıq bununla neçə dəfədir ki sahildə bu mənzərə müşahidə olunur.
Hövsan qəsəbəsində də bu hal müşahidə olunub. Yenə səhərin erkən saatlarında dənizə tor atılır. Baxmayaraq ki, may ayının birindən kürüləmə dövrü ilə əlaqədar olaraq balıq ovu qadağandır.
Mövzu ilə bağlı Balıqçılar İttifaqının sədri Əfqan Əliyev deyir ki, Sənaye balıqçılığında moratoriumun sentyabrın 1-dək olmasına baxmayaraq qanunsuz balıq ovu və brakonyerlik kimi hallara hələ də rast gəlinir.
