Sumqayıt şəhərinin 10-cu mikrorayon ərazisində, “Green House” restoranının arxa hissəsində aparılan işlər başa çatsa da, ərazi hələ də əvvəlki vəziyyətinə qaytarılmayıb.
Bir müddət əvvəl xəbər verdiyimiz kimi, sözügedən ərazi də kanalizasiya xətti ilə bağlı qazıntı işləri aparılmışdı. Sumqayit24.az-a göndərilən son görüntülərdən məlum olur ki, hazırda işlər yekunlaşsa da, qazılmış hissələrin üzərinə sadəcə daş və çınqıl tökülüb. Asfalt örtüyü bərpa edilməyib. Bundan əlavə, əraziyə müxtəlif məişət tullantılarının atıldığı da görünür.
Sakinlərin sözlərinə görə, bu vəziyyət həm piyadaların, həm də sürücülərin hərəkətinə çətinlik yaradır. Onlar yolun əvvəlki vəziyyətinə qaytarılmasını və ərazinin təmizlənməsini gözləyirlər.
