Sumqayıtın mikrorayonlarından birində liftin tez-tez işləməməsi narazılıq yaradıb.
Bu barədə Sumqayit24.az-a sakinlər məlumat veriblər.
Vətəndaşların sözlərinə görə, 10-cu mikrorayon, 21-ci bina, 1-ci blokda yerləşən lift tez-tez sıradan çıxır və fəaliyyətini dayandırır.
“Məsələ ilə bağlı aidiyyəti quruma müraciət etsək də, problem müvəqqəti olaraq həll edilir, daha sonra lift yenidən xarab olur. Düşünürəm ki, bu məsələ köklü şəkildə həll edilməlidir. Yaşlılar və uşaqlı ailələr belə vəziyyətdən xüsusilə əziyyət çəkirlər”, – deyə sakin bildirib.
Vətəndaşlar aidiyyəti qurumlardan əraziyə baxış keçirilməsini və liftlə bağlı problemin köklü şəkildə aradan qaldırılmasını xahiş edirlər.
