Paytaxtın bəzi küçələrində aparılacaq təmir işləri ilə əlaqədar 13 iyul 2026-cı il saat 07:00-dək aşağıdakı yol sahələrində nəqliyyat vasitələrinin hərəkəti mərhələli şəkildə tam məhdudlaşdırılacaq.
Bu barədə Gündəm24.az–a Azərbaycan Avtomobil Yolları Dövlət Agentliyindən məlumat verilib.
Həmin yolların siyahısını təqdim edirik:
– Səməd Vurğun küçəsi – (Füzuli küçəsindən A.A.Bakıxanov küçəsinədək);
– Nazim Hikmət küçəsi – (H.B.Zərdabi-Mətbuat prospektlərindən A.M. Şərifzadə küçəsinədək).
– Sənan Abdullayev küçəsi (Baksol yolu) – (Z.Bünyadov prospektindən S.Abdullayev küçəsi, döngə 1-dək);
“Aparılan işlərlə əlaqədar yaranacaq müvəqqəti narahatlığa görə sürücülərdən anlayış göstərmələri və qeyd olunan müddətdə alternativ yollardan istifadə etmələri xahiş olunur”, – deyə AAYDA-dan bildirilib.
