Son günlər bir çox smartfon istifadəçisi ekranın yuxarı hissəsində adi “Wi-Fi” işarəsinin yanında ikinci daha kiçik “Wi-Fi” simvolunun göründüyünü bildirir. İlk baxışda bu sistem xətası kimi görünsə də əslində yeni nəsil bağlantı texnologiyasına işarə edir.
Sfera.az zəbər verir ki, sosial şəbəkələrdə də geniş müzakirə olunan bu iki “Wi-Fi” göstəricisi istifadəçilərdə maraq və suallar yaradıb. Adətən tək “Wi-Fi” işarəsinə öyrəşənlər üçün bu dəyişiklik diqqət çəkir və fərqli təəssürat yaradır.
Mütəxəssislərin bildirdiyinə görə, bu simvol “çift Wi-Fi sürətləndirməsi” və ya “ikili kanal bağlantısı” texnologiyasını göstərir. Bu sistem sayəsində smartfon eyni anda həm 2.4 GHz, həm də 5 GHz Wi-Fi şəbəkəsinə qoşularaq internet performansını artırır.
Nəticədə istifadəçi daha stabil bağlantı, daha az kəsinti və daha yüksək yükləmə sürəti əldə edir. Xüsusilə oyun oynayanlar, video izləyənlər və canlı yayım edənlər üçün bu xüsusiyyət daha effektiv hesab olunur.
Bu funksiya əsasən bəzi yeni “Android” cihazlarında mövcuddur və hər tətbiq tərəfindən tam şəkildə dəstəklənməyə bilər. Buna görə də bəzi hallarda sürət artımı fərqli şəkildə hiss oluna bilər.
Mütəxəssislər xəbərdarlıq edirlər ki, “ikili Wi-Fi” bağlantısı aktiv olduqda telefon daha çox enerji istifadə edir. Bu da batareyanın daha tez tükənməsinə səbəb ola bilər. Ona görə də bu funksiyanı ehtiyac olduqda aktiv saxlamaq tövsiyə olunur.
