“Nikolas Maduronun devrilməsindən ən çox zərər çəkən ölkə Kuba ola bilər”.
Gündəm24.az xəbər verir ki, bunu siyasi şərhçi Şahin Cəfərli deyib.
O bildirib ki, Venesuela oradakı qardaş rejimə çox ucuz qiymətə neft satır və bu, Kubanın neft ehtiyacının 40 faizini təşkil edir:
“ABŞ bu alveri dayandırsa, Kubada sosial-iqtisadi vəziyyət daha da ağırlaşacaq. Bura hazırda çox ağır, hərtərəfli böhran girdabındadır. Hökumət xalqı elektrik enerjisi, qida, dərman kimi təməl ehtiyaclarla təmin edə bilmir. Əhalinin 70 faizi normal qidalanmır, azı 90 faizi dərin yoxsulluq içərisindədir, xəstəliklər geniş yayılıb, kommunal infrastruktur dağılıb. Şübhə yoxdur ki, ABŞ Prezidenti Donald Tramp və kubalı dövlət katibi Marko Rubio qarşıdakı 3 il ərzində Kuba məsələsini də həll etməyə və uzun illərdir qıcıq duyduqları sosialist rejimi nəhayət ki, yox etməyə çalışacaqlar”.
Siyasi şərhçi qeyd edib ki, Trampın qitə siyasəti latınamerikan mənşəli amerikalılar arasında (xüsusən Floridada) indiki administrasiyanın nüfuzunu artıracaq:
“Amma bu, qarşıdakı Konqres və prezident seçkilərində respublikaçıların qələbəsi üçün yetərli olmaya bilər”.
