Anormal isti hava şəraiti ilə əlaqədar Fransanın 72 departamentində narıncı səviyyəli istilik xəbərdarlığı elan olunub.
Gündəm24.az xəbər verir ki, bu barədə Franceinfo radiosu ölkənin meteorologiya xidmətinə istinadən məlumat yayıb.
Məlumata görə, Marsel-Marinyan (Buş-dü-Ron) meteoroloji stansiyasında müşahidələr tarixində ilk dəfə olaraq havanın temperaturu 40,5°C-ə çatıb. Kanet-en-Russilyonda 41,4°C, Sete şəhərində isə 41,0°C temperatur qeydə alınıb.
Avropa Meşə Yanğınları Məlumat Sistemi (EFFIS) bildirir ki, iyulun ilk səkkiz günü ərzində Fransada təxminən 7 800 hektar ərazi yanıb. Müqayisə üçün qeyd olunur ki, 2025-ci ilin bütün iyul ayı ərzində yanğınların əhatə etdiyi sahə 4 400 hektardan bir qədər çox olmuşdu.
Hazırda ölkənin bir sıra bölgələrində yüksək temperatur və meşə yanğınları riski səbəbindən fövqəladə xidmətlər gücləndirilmiş rejimdə fəaliyyət göstərir.//ajans.az
