Tacikistanın Düşənbə-Kulyab-Xoroq magistral yolunda ağır yol-nəqliyyat hadisəsi baş verib.
Gündəm24.az xəbər verir ki, bu barədə ölkənin Daxili İşlər Nazirliyi məlumat yayıb. Qəza bu gün səhər saatlarında Elok kəndi ərazisində qeydə alınıb.
Məlumata görə, “Dulan” markalı yük maşını “Opel Zafira” və “Toyota Prado” markalı iki minik avtomobili ilə toqquşub. Hadisə nəticəsində 11 nəfər dünyasını dəyişib, onlardan 9-nun sərnişin olduğu bildirilir.
Hazırda faktla bağlı araşdırmalar davam etdirilir, hadisənin dəqiq baş vermə səbəbləri müəyyənləşdirilir.//nocomment.az
