Hörmüz boğazı vasitəsilə neft nəqlində davam edən fasilələr qlobal iqtisadiyyatın sabitliyi və enerji təchizatı üçün artan risklər yaradır.
Gündəm24.az xəbər verir ki, bu Beynəlxalq Enerji Agentliyi (IEA), Beynəlxalq Valyuta Fondu (IMF), Dünya Bankı (WB) və Ümumdünya Ticarət Təşkilatının (WTO) rəhbərlərinin birgə bəyanatında qeyd olunub.
Bildirilir ki, qlobal neft ehtiyatları Hörmüz boğazındakı mövcud vəziyyət səbəbindən rekord sürətlə azalır.
“Təklif həcmləri normal səviyyəyə qayıtmayınca, Şimal yarımkürəsində yayda neft tələbinin pik həddi ərəfəsində qlobal neft ehtiyatlarının sürətlə azalmasının davam etməsi yanacaq təhlükəsizliyi, bazar şəraiti və bütövlükdə iqtisadiyyatın davamlılığı üçün artan risklər yaradacaq”, – deyə bəyanatda vurğulanıb.
