Kral Dəniz Qüvvələrinin Dəniz Ticarət Təşkilatının (UKMTO) məlumatına görə, Oman sahillərində bir tankerin mühərrik otağında yanğın baş verib.
Gündəm24.az xəbər verir ki,İran hakimiyyəti tankerin Amerika mərmisi ilə vurulduğunu iddia edib.
UKMTO-nun məlumatına görə, hadisə Sohardan 21 mil (39 km) şimal-şərqdə baş verib. Tələfat və ya mümkün ətraf mühitə ziyan barədə məlumat yoxdur.
İranın Sirik əyalətinin qubernatoru Rza Şahidian bu səhər Oman dənizində “Amerika düşmən mərmisinin yük barjasına dəydiyini” bildirib. O bildirib ki, gəmi Omanın Həsəb şəhərindən Sirik şəhərinə zəruri mallar daşıyırdı. Gəmidə beş heyət üzvü olub. Mehr xəbər agentliyinin məlumatına görə, onlar yoldan keçən gəmilər tərəfindən xilas edilərək Omana aparılıblar.
