ABŞ Müdafiə Nazirliyi (Pentaqon) Prezident Donald Trampın əmr verəcəyi təqdirdə İrana hava zərbələri endirmək üçün xüsusi hədəf siyahısı hazırlayıb. “CNN” telekanalının yaydığı məlumata görə, potensial hədəflər arasında İranın enerji obyektləri və kritik infrastruktur elementləri yer alır.
Gündəm24.az xəbər verir ki, Tramp özünə məxsus qolf klubunda ABŞ-ın vitse-prezidenti Cey Di Vens (J.D. Vance), MKİ (CIA) direktoru Con Retkliff (John Ratcliffe) və prezidentin xüsusi elçisi Stiv Uitkoffun (Steve Witkoff) iştirakı ilə təcili toplantı təşkil edib.
Telekanalın hökumət mənbələrinə istinadən verdiyi xəbərə görə, Ağ Ev rəhbəri Hörmüz boğazının blokadasının hələ də davam etməsindən və bu vəziyyətin dünya bazarında neft qiymətlərinə mənfi təsir göstərməsindən son dərəcə narahat və qəzəblidir. Trampın regionda hərbi əməliyyatların bərpası barədə hər an əmr verə biləcəyi, Pentaqonun isə artıq tam döyüş hazırlığı vəziyyətinə gətirildiyi bildirilir./NOCOMMENT.az
