Türkiyə Müdafiə Nazirliyi İsrail və ABŞ-nin İrana hücumları fonunda PKK terror təşkilatın İran qanadı PJAK-la bağlı xəbərdarlıq edib.
Gündəm24.az xəbər verir ki, bu barədə nazirliyin sözçüsü Zəki Aktürk bildirib.
O deyib ki, Türkiyə qonşu ölkələrin parçalanmasının deyil, onların ərazi bütövlüyünün qorunmasının tərəfdarıdır.
“PJAK terror təşkilatı kimi etnik separatizmi qızışdıran strukturların fəaliyyəti təkcə İranın təhlükəsizliyinə yox, regionun ümumi sülh və sabitliyinə də mənfi təsir göstərir. PJAK terror təşkilatının İranda həyata keçirdiyi fəaliyyətləri və bölgədəki prosesləri dövlətimizin aidiyyəti qurumları ilə koordinasiyalı şəkildə yaxından izləyirik”, – Aktürk vurğulayıb.
