Rusiya enerji infrastrukturuna hücumlar səbəbindən yanacaq idxal edə bilər.
Sfera.az xarici mediaya istinadən xəbər verir ki, rəsmi Kreml digər ölkələrlə məqbul qiymətlərlə yanacaq idxal etmək barədə danışıqlar apardığını bildirib.
Bununla bağlı açıqlama verən Kremlin sözçüsü Dmitri Peskov hansı ölkələrdən yanacaq tədarük edə biləcəklərini açıqlamayıb.
Qeyd edək ki, müharibənin beşinci ilində Ukrayna Rusiyanın enerji infrastrukturuna hücumlarını gücləndirib. Bu hücumlar Rusiyada geniş yayılmış yanacaq çatışmazlığına səbəb olub. Qiymətlər də əhəmiyyətli dərəcədə artıb.
