Xəbər verdiyimiz kimi, dövlət ümumi təhsil müəssisəsində təhsilverənlər üçün geyimlə bağlı tələblər təsdiq ediləcək. Bu, Prezident İlham Əliyevin tətbiqi ilə bağlı fərman imzaladığı “Ümumi təhsil haqqında” qanuna edilən dəyişiklikdə əksini tapıb. Yenilik isə hazırda müəllimlər tərəfindən müzakirə olunan əsas məsələlərdəndir.
Maraqlıdır, bəs müəllimlərin geyim məsələsi nəyə əsasən tənzimlənəcək?
Redaktor.az məsələ ilə bağlı Məktəbəqədər və Ümumi Təhsil üzrə Dövlət Agentliyinə (MÜTDA) sorğu ünvanladı. Sorğuya cavab olaraq bildirildi ki, Prezident İlham Əliyevin təsdiqlədiyi qanunda yazıldığı kimi Nazirlər Kabinetinə təsdiq etmək üçün iki ay vaxt verilib.
“İndiki məqamda bizim də əlimizdə yalnız prezidentin təsdiqlədiyi qanunda olduğu qədər məlumat var. Detallar bəlli olanda ictimaiyyətə məlumat veriləcək”, – deyə cavabda qeyd olunur.
