“Bakı Metropoliteni”nin mətbuat katibi təyin olunan tanınmış teleaparıcı Nərmin Salmanova işindən ayrılıb.
Gündəm24.az Globalinfo.az-a istinadən xəbər verir ki, aparıcı bu haqda sosial şəbəkə hesabında paylaşım edib.
Aparıcı bildirib ki, “Bakı Metropoliten”i ilə danışıqlar aparsa da, əməkhaqqı şərtləri onu qane etməyib:
“Artıq bir müddətdir “Bakı Metropoliteni” ilə bağlı mənə suallar ünvanlanır. Bildirmək istərdim ki, televiziyadakı fəaliyyətimdən ayrılmağım metropolitenin təklifi fonunda, bu sahədə özümü sınamaq istəyi ilə bağlı oldu.
“Bakı Metropoliten” ilə danışıqlar aparsaq da, əməkdaşlıq üçün ilkin mərhələdə razılaşdırdığımız əməkhaqqı şərtlərində dəyişiklik edildi – müqavilədə razılaşdırdığımız məbləğdən fərqli məbləğ göstərildi və buna görə əməkdaşlıq baş tutmadı. Beləliklə, orada çalışdığım barədə yayılan məlumat düzgün deyil. Hazırda müəyyən fasilədən sonra peşəkar planlarımı dəyərləndirirəm”.
Qeyd edək ki, Nərmin Salmanova CBC Sport və İTV kanallarında aparıcı olub.
