Küveytdə bir həftə ərzində 23 nəfər saxta spirtli içki içməsi səbəbilə dünyasını dəyişib.

Gündəm24.az APA-ya istinadən xəbər verir ki, bu haqda ölkənin Səhiyyə Nazirliyi məlumat yayıb.

“Tərkibində metanol olan spirtli içkilərin qəbulu nəticəsində zəhərlənmə hallarının sayı 160-a. Bu cür içkilər 23 nəfərin ölümünə səbəb olub”, - nazirliyin məlumatında deyilir.

Məlumata görə, qurbanların əksəriyyəti Asiya ölkələrindəndir. Zərərçəkənlərin əksəriyyəti reanimasiyadadır.

Qeyd edək ki, Küveytdə ictimai yerlərdə spirtli içkilərin satışı və içilməsi qadağandır.

Oxunub: 4