İsrailin müxtəlif bölgələrində kütləvi etiraz aksiyaları davam edir.

Gündəm24.az xəbər verir ki, nümayişlər ölkə üzrə təxminən 400 fərqli məkanda, o cümlədən nazirlərin və Knesset deputatlarının evlərinin qarşısında təşkil olunub. Əsas yollar bağlanıb.

Aksiyaların təşəbbüskarları 2023-cü il 7 oktyabrda HƏMAS hücumları nəticəsində girov götürülən və həlak olanların ailələridir. Onlar hökumətə təzyiq göstərmək üçün gündəlik həyatın və ölkə iqtisadiyyatının dayanmasına çağırış edirlər. Tələblər sırasında girovların azad olunması və müharibənin dayandırılması yer alır.

Etirazların yaxın günlərdə tibb assosiasiyası, universitetlər, yerli özünüidarə orqanları, yüksək texnologiyalar ştabı, sənayeçilər birliyi və digər qurumlarda da davam etdirilməsi gözlənilir.

Səmra İsmayıl,
Gündəm24.az

Oxunub: 8