Ukraynanın paytaxtı Kiyevdə güclü partlayış baş verib. Hadisə şəhərin Podol rayonunda, yaşayış binasının qarşısındakı avtodayanacaqda qeydə alınıb. Partlayışa məruz qalan avtomobil hərbi rənglə boyanmış nəqliyyat vasitəsi olub.

Gündəm24.az xəbər verir ki, partlayış anında avtomobilin sahibi maşına yaxınlaşıb. O, yüngül xəsarətlər alıb, lakin həkimlərin hospitalizasiya təklifindən imtina edib. Kiyev Şəhər Hərbi Administrasiyası bildirib ki, partlayış avtomobilin sərnişin oturacağında baş verib. İlkin versiyalara görə, detonasiya avtomobil sahibinin yaxınlaşması ilə eyni anda baş verib.

Hadisə yerinə dərhal istintaq-əməliyyat qrupları, partlayış üzrə mütəxəssislər, tibb işçiləri və digər aidiyyəti qurumlar cəlb olunub. Hüquq-mühafizə orqanları baş verənlərin səbəblərini araşdırır.

Mütəxəssislər ehtimal edirlər ki, bu partlayış planlı şəkildə həyata keçirilmiş ola bilər. Bununla belə, dəqiq səbəbin müəyyən olunması üçün istintaq davam etdirilir.

Səmra İsmayıl,
Gündəm24

Oxunub: 7