ABŞ-ın sabiq prezidenti Donald Tramp, özünü “sülh prezidenti” adlandıraraq, son aylarda beynəlxalq münaqişələrin həllində fəal vasitəçi kimi çıxış edir və Nobel Sülh Mükafatına ümid edir. Politico-nun yazdığına görə, o, bu istiqamətdə ardıcıl uğurlar əldə etdiyini bildirir.

Gündəm24.az xəbər verir ki, Trampın son nailiyyətləri sırasında Ermənistan və Azərbaycan liderlərini Ağ Evdə sülh sazişi imzalamağa cəlb etməsi də var. Bu, onun ikinci prezidentlik müddətində əldə etdiyi artıq altıncı sülh razılaşmasıdır. Ağ Evin məlumatına görə, Tramp həmçinin Kamboca ilə Tailand, İran ilə İsrail, Hindistan ilə Pakistan, Misir ilə Efiopiya arasında əldə olunan razılaşmalarda da rol oynayıb.

“Ağ Evdəki mənbənin sözlərinə görə, ona (Trampa) kiçik və daha zəif ölkələr üçün hər şeyi həll edən fiqur olmaq xoş gəlir”.

Cümə günü Tramp Rusiya Prezidenti Vladimir Putinlə görüşərək Ukrayna müharibəsini bitirməyə çalışacaq. O, əvvəllər bu münaqişəni “ən asan” həll edilə bilən kimi qiymətləndirsə də, indi bunun “ən çətin” olduğunu etiraf edir.

Səmra İSMAYIL

Oxunub: 17