ABŞ-da keçirilən görüş zamanı Ukrayna prezidenti Volodimir Zelenski Donald Trampa maraqlı jest edib. O, xanımı Olena Zelenskadan ABŞ-ın birinci ledisi Melaniya Trampa ünvanlanan məktubu amerikalı həmkarına təqdim edib. Zelenski zarafatla: “Mənim həyat yoldaşım, Ukraynanın birinci ledisi məktub göndərib. Amma bu məktub sizə deyil, həyat yoldaşınıza ünvanlanıb” – deyərək zalda gülüş yaradıb.

Gündəm24.az xəbər verir ki, Zelenski çıxışında Melaniya Trampa minnətdarlığını ifadə edib. O, xatırladıb ki, ABŞ-ın birinci ledisi daha əvvəl Rusiya prezidenti Vladimir Putinə uşaqların müdafiəsi ilə bağlı müraciət ünvanlamışdı. Həmin məktubu isə Tramp ötən cümə günü keçirilən sammitdə şəxsən Putinə təqdim edib.

Səmra İsmayıl,
Gündəm24.az

Oxunub: 8