ABŞ prezidenti Donald Tramp qeyri-leqal miqrasiyaya qarşı Meksika ilə sərhəd hasarını qara rəngə boyamağı təklif edib.

Gündəm24.az xəbər verir ki, onun fikrincə, günəşdə metal qızacaq və hasara dırmaşmaq mümkün olmayacaq.

ABŞ daxili təhlükəsizlik naziri Kristi Noem bildirib ki, bu ideya prezidentdən gəlir:

“Bu ideya prezidentdən gəlir. Qara rəng istidə daha tez qızır. Hasarın özü isə indi də çox çətin dəf olunur”.

Nazir bildirib ki, hasarın altından qazmaq da mümkün deyil. Çünki bünövrəsi dərinliyə gedir. Tramp planlaşdırır ki, qarşıdakı illərdə divar bütün cənub sərhədi boyunca uzansın.

Statistikaya görə, 2025-ci ilin iyununda 6100 qeyri-qanuni keçid qeydə alınıb. Bu, ötən il Bayden dövründəki 130 min göstəricidən 92,7% azdır.


Mövlam RZALI,
Gündəm24.az

Oxunub: 13