Ötən gecə ABŞ hərbi qüvvələri Suriyanın şimalında – İdlib vilayətində xüsusi əməliyyat keçirərək İŞİD-in lideri Əbu Həfs əl-Quraşini yaxalayıb. Bu barədə Suriya mediası məlumat yayıb.

Gündəm24.az xəbər verir ki, amerikalı hərbçilər iraqlı bölmənin dəstəyi ilə Türkiyə sərhədinə yaxın yerləşən Atma kəndinə daxil olublar. Onlar elektrik stansiyası yaxınlığında yerləşən Mustafa Xalidin evini mühasirəyə alaraq, səsgücləndirici vasitəsilə İŞİD rəhbərinə təslim olmaq çağırışı ediblər. Əməliyyat nəticəsində əl-Quraşi iki fransız pasportlu qadınla birlikdə saxlanılıb. Lakin bəzi mənbələr onun əməliyyat zamanı öldüyünü də iddia edir. Qarşıdurmanın qısa müddət davam etdiyi bildirilir.

Məlumata görə, iraqlı vətəndaş olan əl-Quraşi əcnəbilərin cəlbi ilə təşkilata “yeni qan” qazandırmaq bacarığı ilə seçilirdi. Hadisə şahidlərinin sözlərinə görə, əməliyyata Suriya hökumət qüvvələri də cəlb olunub.


Səmra İsmayıl,
Gündəm24.az

Oxunub: 6