Hindistan dövlət neft emalı zavodları Indian Oil Corp. və Bharat Petroleum Corp. sentyabr və oktyabr ayları üçün bir neçə partiya Rusiya Urals nefti alıb.

Gündəm24.az xəbər verir ki, Rusiya Dəlinin neft alışlarını davam etdirəcəyini gözləyir. Rusiyanın Hindistandakı ticarət nümayəndəsinin müavini Yevgeni Griva bildirib ki, Rusiya nefti Hindistana təxminən 5% endirimlə satır, bu isə Hindistan iqtisadiyyatına alternativ imkanları məhdudlaşdırır. O, həmçinin iki ölkə arasında ticarətin illik təxminən 10% artacağını proqnozlaşdırır.

6 avqust tarixində ABŞ Prezidenti Donald Tramp Hindistana qarşı əlavə 25%-lik gömrük rüsumu tətbiq edəcəyini açıqlayıb. Bu rüsum 21 gün sonra, yəni 27 avqustda qüvvəyə minəcək. Beləliklə, Hindistan üçün ümumi tarif dərəcəsi 50% olacaq.

Səmra İSMAYIL,
Gündəm24.az

Oxunub: 4