Paytaxtda fəaliyyət göstərən məşhur “Megastore” mağazasında müştərilərin narazılığı artmaqdadır. Şikayətlərə görə, mağazada elan olunan “böyük endirimlər” əslində alıcıları cəlb etmək üçün qurulmuş tələdir.

Müştərilər bildirir ki, endirim adı ilə satılan bir çox məhsul ya son istifadə müddətinə yaxın, ya da artıq xarab vəziyyətdə olur. Bəzi hallarda isə qiymət etiketlərində əvvəlki məbləğ süni şəkildə şişirdilir, sonra “endirimli” göstərilərək alıcıya guya ucuz satıldığı təəssüratı yaradılır.

Gündəm24.az xəbər verir ki, bu barədə redaksiyamıza şikayət daxil olub. Şikayətdə qeyd olunur ki, müştəri endirimdə aldığı məhsulun açıldıqdan sonra yararsız olduğunu aşkarlayıb və bunu sübut edən fotofakt təqdim edib.

Ekspertlərin sözlərinə görə, bu cür hallarda mağaza həm istehlakçı hüquqlarını pozur, həm də alıcılara maddi zərər vurur. Hüquqşünaslar isə bildirir ki, istehlakçılar belə hallarda müvafiq qurumlara müraciət etməli, mağazadan məhsulun dəyişdirilməsini və ya pulun geri qaytarılmasını tələb edə bilərlər.

Həmin faktları təqdim edirik:

Səmra İSMAYIL,
Gündəm24.az

Oxunub: 63