ABŞ-ın Wall Street Journal (WSJ) qəzeti İtaliyada “Şimal Axını” qaz kəmərlərinin partladılması ilə bağlı saxlanılan ukraynalının keçmiş Ukrayna Silahlı Qüvvələri kapitanı olduğunu açıqlayıb.

Gündəm24.az KONKRET.az-a istinadən xəbər verir ki, WSJ İtaliya KİV-lərinin məlumatını təsdiqləyərək bildirir ki, Ukrayna vətəndaşı Sergey K. avqustun 20-də İtaliyanın San-Klemente şəhərində saxlanılıb. Onun izlənməsi, Ukrayna pasportunu Polşadan aviabilet alarkən və İtaliyada otelə qeydiyyatdan keçərkən istifadə etməsi nəticəsində mümkün olub.

İtaliya agentliyi ANSA onun orada həyat yoldaşı və altı və doqquz yaşlı iki uşağı ilə istirahət etdiyini iddia etsə də, WSJ mənbələri bildirir ki, o, oğlunu universitetə gətirib.

WSJ-nin məlumatına görə, Sergey K. əvvəlcə Kiyevi Rusiya qüvvələrindən qoruyan elit bölmədə xidmət edib və kiçik hava hücumundan müdafiə (PVO) dəstəsini komandanlıq edib. Alman hüquq-mühafizə orqanlarının araşdırmasına görə, 2022-ci ilin may ayında Sergey K., iki hərbi yoldaşı və dörd mülki dalğıcı Ukraynanın gizli hərbi bölməsi tərəfindən “Şimal Axını” qaz kəmərlərinin partladılması əməliyyatı üçün cəlb olunub. Almaniyadakı hüquq-mühafizə orqanları Sergey K.-nin bu qrupa rəhbərlik etdiyini hesab edir.

Oxunub: 7