Liviyanın Milli Neft Korporasiyası (NOC) beş ildən artıq fasilədən sonra bir neçə dəniz blokunda kəşfiyyat işlərinin bərpa olunduğunu açıqlayıb.
Gündəm24.az xəbər verir ki, layihə İtaliyanın “Eni” şirkəti ilə əməkdaşlıq çərçivəsində həyata keçirilir.
MOK-un məlumatına görə, işlərin yenidən başlanması texniki və ekoloji ekspertizanın tamamlanmasından sonra mümkün olub.
Kəşfiyyat Liviyanın şimal-qərbində təhlükəsizlik və qeyri-sabitlik səbəbindən daha əvvəl dayandırılmış əraziləri əhatə edəcək.
“Eni” artıq yeni kəşfiyyat quyularının qazılmasına hazırlıq məqsədilə seysmik və geoloji tədqiqatlara başlayıb.
Elay RZAZADƏ
Gündəm24.az
