NATO-nun baş katibi Mark Rütte bildirib ki, alyans daxilində bir sıra ölkələr, o cümlədən ABŞ və Macarıstan, Ukraynanın NATO-ya üzvlüyünə qarşı çıxır.

Onun sözlərinə görə, bu dövlətlər Kiyevin alyansa daxil olmasının ya indi, ya da ümumiyyətlə mümkün olmayacağını düşünürlər.

Gündəm24.az xəbər verir ki, Rütte bununla yanaşı vurğulayıb ki, NATO Ukrayna ordusunun alyans standartlarına uyğunlaşması üçün bütün zəruri dəstəyi göstərəcək:

“Söhbət silahlanmadan, ordunun təşkilatlanmasından və hərbi hazırlıqdan gedir. Ukrayna qüvvələri NATO ilə maksimum dərəcədə uyğunlaşdırılacaq”.

Mütəxəssislər hesab edirlər ki, bu bəyanat Kiyevin yaxın perspektivdə NATO-ya qəbulunun real olmadığını bir daha göstərir.

Səmra İsmayıl,
Gündəm24.az

Oxunub: 9