ABŞ Prezidenti Donald Trampın Ukrayna müharibəsinin dayandırılması ilə bağlı yanaşması Politico tərəfindən yüksək vəzifəli Ağ Ev rəsmisinə istinadən işıqlandırılıb.

Gündəm24.az xəbər verir ki, məlumatlara görə, Tramp hələ də Putinə təzyiq göstərməyə meylli deyil və inanır ki, onun Ukrayna və Avropa müttəfiqləri üzərində təsir imkanları daha böyükdür.

Rəsmilər bildiriblər ki, Tramp uzun müddətdir hesab edir ki, Rusiya müharibədə üstün mövqedədir və onu sülh danışıqlarına sövq etmək lazımdır. Ukrayna isə silah və kəşfiyyat məlumatları baxımından ABŞ-a böyük dərəcədə bağlıdır, bu isə Vaşinqtona danışıqlarda daha çox təsir imkanları yaradır.

Politico qeyd edir ki, Trampın əvvəlki açıqlamaları, o cümlədən “işğalçı ölkəyə hücum etmədən müharibədə qalib gəlmək çox çətindir” postu da bu yanaşmanı əks etdirir. Ağ Ev rəsmisi əlavə edib ki, Tramp sadəcə Ukraynanın danışıqlarda təsir imkanlarının məhdud olmasını Bayden administrasiyasının siyasətinə bağlamağa çalışıb.

Hazırda Tramp və onun milli təhlükəsizlik komandası Rusiya və Ukrayna rəsmiləri ilə əlaqə saxlayaraq Zelenski ilə Putin arasında görüşün təşkil olunmasını davam etdirirlər, lakin belə bir görüşü tez bir zamanda təşkil etməyin “çətin iş” olduğu anlayışı artır.

Səmra İsmayıl,
Gündəm24.az

Oxunub: 5