Tramp Putini FİFA Dünya Çempionatına dəvət edə bilər
ABŞ Prezidenti Donald Tramp şəxsi hesabında Rusiya lideri Vladimir Putinlə birgə fotosunu paylaşaraq, gələcəkdə onu ABŞ-da keçiriləcək 2026-cı il futbol üzrə dünya çempionatına dəvət edə biləcəyini bildirib.
Tramp fotoya zarafatla münasibət bildirərək qeyd edib: “Putin şəkildə çox yaxşı çıxıb, mən isə normal”. O, əlavə edib ki, bu dəvətin gerçəkləşib-gerçəkləşməyəcəyi beynəlxalq vəziyyətin necə inkişaf edəcəyindən asılıdır.
Gündəm24.az xəbər verir ki, 2026-cı il dünya çempionatı ABŞ, Kanada və Meksika ərazisində birgə keçiriləcək. Trampın bu açıqlaması həm Moskva ilə gələcək münasibətlər, həm də idmanın siyasət üzərində birləşdirici rolu barədə mesaj kimi qiymətləndirilir.
Əli Səfərli,
Gündəm24.az Oxunub: 5
