Hollivud ulduzu Salma Hayek 60 illik yubileyini qeyd edib.
Gündəm24.az xəbər verir ki, aktrisanın doğum günü mərasimində maraqlı anlar yaşanıb. Belə ki, qızı Valentina Pinoq anasını zarafatla torta tərəf itələyib. Qonaqlar isə həmin vaxt “dişlə” deyə qışqırıblar. Qızı onun başını torta salıb.
Gecədən görüntüləri aktrisanın xaç qızı, rejissor Alfonso Kuaronun övladı Bu Kuaron sosial şəbəkə hesabında paylaşıb.
Qeyd edək ki, Salma Hayek yaxın günlərdə nənə olması ilə də gündəmə gəlib. Aktrisanın ögey oğlu Fransua Pinoq ata olub. Körpəyə ailə ənənəsinə uyğun olaraq Fransua adı verilib.
Salma Hayek 2009-cu ildə Fransua-Anri Pino ilə ailə həyatı qurub. Cütlüyün 2007-ci ildə dünyaya gələn Valentina Paloma adlı qızı var. İş adamının əvvəlki münasibətlərindən daha üç övladı dünyaya gəlib.
Xatırladaq ki, Hayek daha əvvəl qızı ilə nadir fotosunu paylaşmışdı. Ana-bala Puerto-Rikolu reper Bad Bunny-nin konsertində birlikdə vaxt keçiriblər./axşam.az
