SOCAR-ın İnvestisiya Departamentinin sabiq rəhbər müavini Adnan Əhmədzadə barəsində yeni məlumatlar üzə çıxıb. Onun ötən il İsveçrənin Cenevrə şəhərində təkrarən sürücülük vəsiqəsi olmadan avtomobil idarə etdiyi və yol hərəkəti qaydalarını pozduğu üçün 225 min İsveçrə frankı məbləğində cərimə olunduğu məlum olub.
Gündəm24.az xəbər verir ki, media orqanlarının məlumatına görə, Əhmədzadə əvvəlcə qayda pozuntusuna görə 10 min frank cərimə olunub və sürücülük hüququndan məhrum edilib. Buna baxmayaraq, o, yenidən avtomobil idarə etdiyi üçün məhkəmə ona maksimal cəza tətbiq edib. Cəriməni ödədikdən sonra Adnan Əhmədzadə İsveçrəni tərk edə bilib.
Əli Səfərli,
Gundem24.az
