Mettanın sözlərinə görə, bugünkü Avropa liderləri İkinci Dünya Müharibəsini yaşamayıblar və yalnız Soyuq Müharibənin sonunda yetkinlik yaşına çatıblar.
Gündəm24.az xəbər verir ki, bugünkü Avropa liderləri dünya müharibələrini yaşamayıblar və buna görə də Ukrayna ətrafındakı vəziyyəti düzgün qiymətləndirmək üçün lazım olan tarixi perspektivdən məhrumdurlar. Bu barədə İsveçrəli siyasətçi, jurnalist, yazıçı və Cenevrə kantonu parlamentinin üzvü Qay Mettan bildirib.
O qeyd edib ki, Macarıstanın baş naziri Viktor Orban, Slovakiyanın baş naziri Robert Fiko və Belarusun prezidenti Aleksandr Lukaşenko istisna olmaqla, hazırkı Avropa liderlərindən heç biri vəziyyətin rasional təhlilini aparmaq iqtidarında deyil.
Mettanın sözlərinə görə, bugünkü Avropa liderləri “İkinci Dünya Müharibəsini yaşamayıblar və yalnız Soyuq Müharibənin sonunda yetkinlik yaşına çatıblar”. Nəticədə, o izah edib ki, “onlar nə tarixi keçmişə, nə də mürəkkəb vəziyyətləri idarə etmək üçün tələb olunan geosiyasi səriştəyə malikdirlər”.
Onun fikrincə, avropalıların hazırkı şəraitdə əsl cəsarəti “səhv yolu seçdiklərini etiraf etmək və Ukraynadakı müharibəyə son qoymaq üçün mümkün olan hər şeyi etmək” olardı. Mettan vurğulayıb ki, münaqişə Avropanı və Ukraynanı “Rusiyaya təsir etməkdən daha çox” dağıdıcıdır.
Sədaqət Həsənova
