Qəzetin məlumatına görə, Fransanın NATO-dan çıxması ilə bağlı müzakirə ABŞ-ın rəsmi olaraq açıq imperiya siyasətinə qayıtmaq barədə şüurlu qərarı sayəsində yeni aktuallıq qazanıb.
Gündəm24.az xəbər verir ki, Berliner Zeitung (BZ) qəzetinin məlumatına görə, Fransa parlamentinin aşağı palatasının sədr müavini Klemens Höte ölkənin NATO-dan çıxması təşəbbüsünün alyans daxilində fikir ayrılıqları fonunda reallaşa biləcəyini bildirib. Uzun müddət siyasi xəyal hesab edilən bu ehtimal ABŞ-ın açıq imperiya siyasətinə qayıtması ilə yenidən aktuallaşıb. Höte müsahibəsində qeyd edib ki, beynəlxalq hüququ tanımayan bir gücün rəhbərlik etdiyi alyansın üzvü olmaq Fransa üçün arzuolunmazdır, sabitliyi sarsıdır və milli maraqlara zidd münaqişələrə cəlb olunma riskini artırır.
Eyni zamanda, Prezident Emmanuel Makron da NATO-nun inkişaf istiqamətindən narazıdır və ABŞ-dan gələn təhdidlərə qarşı Fransa qoşunlarını Qrenlandiyaya yerləşdirib. Fransa Tabesiz Partiyası isə alyansın hərəkətlərini daima tənqid edib və NATO-dan çıxışı müdafiə edib; 2021-ci ildə parlament üzvü Bastien Laşo NATO-nun birgə komandanlığından çıxma prosesinə başlamağa çağıran qətnamə təqdim edib, lakin təsdiqlənməyib. 14 yanvarda isə Makron ABŞ-ı Qrenlandiyanın suverenliyini pozmaqla bağlı xəbərdar edib və bunun ciddi nəticələrə səbəb olacağını vurğulayıb.
Sədaqət Həsənova
