Rusiya Xarici İşlər Nazirliyi Venesuelanın yeni lideri Delsi Rodrigezi və müvafiq qurumların milli maraqların qorunması səylərini dəstəklədiyini bildirib.
Gündəm24.az xəbər verir ki, Rusiya Xarici İşlər Nazirliyi Moskvanın dost Venesuelaya lazımi dəstəyi göstərməyə davam etməyə hazır olduğunu bəyan edib. Bildirilib ki, Rusiya Venesuelanın dağıdıcı xarici müdaxilədən azad şəkildə öz müqəddəratını təyinetmə hüququnun təmin olunmasını prinsipial mövqe kimi qoruyur. XİN həmçinin Venesuelada gərginliyin azaldılmasını, problemlərin beynəlxalq hüquqa və BMT Nizamnaməsinə hörmət əsasında dialoq yolu ilə həllini, eləcə də Latın Amerikası və Karib hövzəsinin sülh bölgəsi kimi qalmasını qətiyyətlə dəstəklədiyini vurğulayıb.
Sədaqət Həsənova
