Kommersiya məqsədli hava daşımalarında çalışan təyyarə heyətinin iş və istirahət vaxtının tənzimlənməsi ilə bağlı qanunvericiliyə dəyişiklik edilir.
Gündəm24.az xəbər verir ki, məsələ Milli Məclisin bu gün keçirilən iclasında müzakirəyə çıxarılan Əmək Məcəlləsinə və “Aviasiya haqqında” qanuna dəyişiklik layihəsində əksini tapıb. Təklif olunan dəyişikliyə əsasən, uçuş iş vaxtının hesablanması qaydası müəyyənləşdirilib.
Bu müddət hava gəmisi heyətinin hava limanına gəlməsi ilə başlayır və son uçuş başa çatdıqdan sonra təyyarənin yerdə hərəkətinin tam dayanmasına qədər davam edir. Hava limanına gəlmə vaxtı hava gəmisinin istismarçısı tərəfindən müəyyən ediləcək. Layihə çərçivəsində Əmək Məcəlləsinə də uyğunlaşdırıcı dəyişikliklərin edilməsi nəzərdə tutulub. Qanun layihəsi səsverməyə çıxarılaraq bir oxunuşda qəbul edilib.\sfera
