Ermənistanın baş naziri Nikol Paşinyan Azərbaycan prezidenti İlham Əliyevin Ermənistana yük tranzitinə qoyulan məhdudiyyətləri aradan qaldırmaq barədə bəyanatını alqışlayıb.
Gündəm24.az xəbər verir ki, Tbilisidə keçirilən İpək Yolu Forumunun açılışında çıxış edən Paşinyan bildirib ki, bu addım regionda sülh və əməkdaşlıq üçün yeni imkanlar yaradır:
“Bu, son dərəcə vacib bəyanatdır və mən prezident Əliyevin bu addımını yüksək qiymətləndirirəm. Bir neçə ay əvvəl Qazaxıstandan taxılın Azərbaycan və Gürcüstan vasitəsilə Ermənistana idxal ediləcəyini təsəvvür etmək çətin idi”, – deyə Paşinyan vurğulayıb.
Elay RZAZADƏ,
Gündəm24.az
