Hörmətli Hikmət müəllim!
Sizin çoxşaxəli ictimai-siyasi fəaliyyətiniz, milli düşüncənin və dövlətçilik ideyalarının təbliği istiqamətində gördüyünüz işlər cəmiyyətimizdə yüksək qiymətləndirilir. İllərdir ki, elmi və publisistik yaradıcılığınız, milli maraqların qorunması və dövlətçilik mövqeyinin gücləndirilməsi sahəsində göstərdiyiniz prinsipial mövqe geniş ictimaiyyət tərəfindən böyük rəğbətlə qarşılanır.
Xüsusilə qeyd etmək istərdik ki, Azərbaycan Respublikasının Prezidenti İlham Əliyev cənabları tərəfindən ölkəmizin ictimai-siyasi həyatında səmərəli fəaliyyətinizə görə “Şöhrət” ordeni ilə təltif olunmağınız fəaliyyətinizə verilən yüksək dövlət qiymətinin bariz nümunəsidir. Bu mötəbər təltif yalnız sizin şəxsi əməyinizin deyil, həm də Azərbaycan jurnalistikasına, elmi fikrin inkişafına və milli ideologiyanın möhkəmlənməsinə verdiyiniz töhfələrin təntənəsidir.
Siz uzun illərdir ki, milli-mənəvi dəyərlərin qorunması, Azərbaycan dövlətinin mövqeyinin beynəlxalq müstəvidə müdafiəsi, xüsusilə də Qərbi Azərbaycan həqiqətlərinin ictimaiyyətə çatdırılması istiqamətində dəyərli fikirləriniz və yazılarınızla mühüm rol oynayırsınız. Bu fəaliyyətiniz Qərbi Azərbaycandan olan soydaşlarımız tərəfindən də böyük hörmət və rəğbətlə qarşılanır.
Sizi doğum gününüz və yüksək dövlət mükafatı – “Şöhrət” ordeni ilə təltif olunmağınız münasibətilə ürəkdən təbrik edir, Sizə möhkəm sağlamlıq, ailə səadəti və Azərbaycan dövlətinə xidmət yolunda yeni-yeni nailiyyətlər arzulayırıq.
Əminik ki, zəngin həyat və fəaliyyət təcrübəniz bundan sonra da ölkəmizin ictimai-siyasi və elmi həyatına mühüm töhfələr verməyə davam edəcəkdir.
Hörmətlə,
Qərbi Azərbaycan İcmasının Sumqayıt nümayəndəliyi
