Dmitri Polyanski qeyd edib ki, ATƏT özünü böyük ölçüdə nüfuzdan salıb və hazırda çətin vəziyyətdədir.
Gündəm24.az xəbər verir ki, Rusiyanın ATƏT-dəki daimi nümayəndəsi Dmitri Polyanski bildirib ki, Avropada Təhlükəsizlik və Əməkdaşlıq Təşkilatı (ATƏT) Rusiya təhlükəsi mifi ilə mübarizə aparmalı və Avropada təhlükəsizliyi təmin etmək üçün Moskvanı da əhatə edəcək əməkdaşlıq yollarını axtarmalıdır.
Polyanski qeyd edib ki, artıq əməkdaşlıq üçün mövcud çərçivələr var və onları “dirçəltmək” üçün həm Rusiyanın, həm də Avropadakı digər qonşuların istəyi vacibdir. O, ATƏT-in özünü böyük ölçüdə nüfuzdan saldığını, təşkilatın gələcəkdə ya unudulacağını, ya da Avropada təhlükəsizlik və strateji sabitlik üçün Rusiyanı da əhatə edən yeni təhlükəsizlik tənlikləri qurmaq üçün dialoq platforması rolunu oynayacağını bildirib.
Diplomat ümid etdiyini vurğulayıb ki, bütün həmkarları ilə görüşərək dialoqa başlayacaq və mümkün əlaqə nöqtələrini axtaracaq. O, Avropada Rusiya ilə qarşıdurmaya alternativ olmadığı barədə yaradılan süni təsəvvürün çox təhlükəli tendensiya olduğunu və bunun cəfəngiyat olduğunu bildirib, həmçinin insanları maarifləndirməyin vacibliyini önə çəkib.
Sədaqət Həsənova
