Taqanroq və Rostov vilayətinin 11 rayonunda kütləvi dron hücumu dəf edildi, 40-dan çox dron vuruldu
Gündəm24.az TASS-a istinadən xəbər verir ki, Rusiya Federasiyası Müdafiyə Nazirliyi-nin məlumatına görə, hava hücumundan müdafiə qüvvələri gecə ərzində Rusiya bölgələri üzərində 97 Ukrayna dronunu vuraraq məhv edib.
Rostov vilayətində vurulan PUA-nın qalıqları Aksay rayonunun Rekonstruktor kəndinə düşüb, nəticədə iki evin pəncərələri zədələnib və dam örtükləri qismən dağılıb. Persianovski kəndi yaxınlığında isə dəmir yolunun rabitə sistemi sıradan çıxıb.
TASS hadisənin əsas detallarını toplayaraq hücumun miqyasını açıqlayıb. Məlumata əsasən, gecə ərzində Rusiya bölgələri üzərində ümumilikdə 97 Ukrayna pilotsuz uçuş aparatı zərərsizləşdirilib.
PUA-ların Həştərxan, Belqorod, Volqoqrad, Voronej, Kursk, Rostov, Samara və Saratov vilayətləri üzərində, həmçinin Qara dəniz istiqamətində vurulduğu bildirilir.
Rostov vilayəti qubernatoru Yuri Slyusar bildirib ki, Taqanroq və regionun 11 rayonunda kütləvi dron hücumu dəf edilib və 40-dan çox dron məhv olunub.
Nəticədə bəzi yaşayış evlərinə ziyan dəyib, dəmir yolu rabitəsi pozulub, lakin sonradan elektrik təchizatı bərpa olunaraq qatarların hərəkəti normallaşdırılıb.
Sədaqət Həsənova
